Das neue Dorfzentrum
Als Nachbarn des neuen Dorfzentrums haben wir seit Jahrzehnten das Kommen und Gehen und die Veränderungen dieses Gebäudes miterlebt. Das ist für uns ein Grund um heute hier zur Einweihung einen kleinen Beitrag zu leisten!! (Juni 2017)
Dat is a veele Johre her
dor stünn hier an disse Ster
bloß Bööm und Büsch, veel Gras und Moos
man kann so seg’n, hier wör nix los.
Dann sech mol eein, ik weet nich wer
hier mut de ’neie School her.
Bald güng dat los, de Bou füng an
und dor wörn fliedige Minschen dran.
Handarbeit pur wör angesecht,
mit Schüffel und Escher köm man trech.
Bagger und sowat, und ok een Krohn
hett hier bien Bou keene Arbeit doon.
Stück vör Stück güng dat vöran
feel schneller, as man hüt villich dinken kann.
De Keller, dat Murwark, alles güng fix vöran
und dann stünn ok a dat Richtfest an.
Ne Party, so wie hüt, geif dat domals noch nich
dorför har de Timmermann een schrecklich langet Gedich!
Dann köm de Pann rupp, de Innenutbou füng an
a domols klotzten de Handwerker düchtig ran.
Und 5 Monate laater güng de Schoolbetrieb los
dat wör an 10. Januar 1936, wie wör dat femos!
Dat geif 2 Klassenrüme, 1 Musikzimmer und 1 Drinkbrunnen up’n Flur
ne Bodewann in Keller, Zentralheizung, domols Luxux pur.
Vö ne Wann vull warm Water hebbt se domols 30 Penn kregen,
Mangels Geld sünd se ok mal to drütt in de Wann rin stegen.
Bit 1966 güng’n hier veele Schöler uut und in
und to passen de Kinner in disse School nich mier rin!
Ne Mittelpunktschool hett man to booft
mit’n grotten Schoolhoff, wo hüt noch de Kinner tooft!
De oole School, de stünn nu leer!
dor müß doch nu wat neiet her.
De Führwehr hett schnell reagiert
und sik för dit Gebäude intressiert!
Eeen poor Murn wech, poor neie togen
und schon wöt neie Sprüttenhuus betogen!
In de nächsten Johre bleif denn ok hier de Tied nich stohn
immer wor hett man an dit Gebäude wat doon.
Dann kööm 1998 de Bunker dorto,
ach wat wör de Dörpjugend frooh.
Veel Arbeit hebbt se in denn Keller investiert!
De Fiern in Keller wö’n good, hett man oft hürt!
Allein de Inweihung von denn Bunker hett so mancher miterlevt!
Dor hebbt sogar hier boben noch de Tepeten bevt!
Nu sünd a woller Johre vergohn
und hier is ganz wat Feines entstahn.
Dat Führwehrhus und dat Dörpzentrum sind fertig worn
und veele Döörpslüd heppt dorfö düchtich wat doon.
So veele fliedige Hann künn man hier seen.
Dat is ’ne ganz groote Leistung, dat mut man wol seggn.
Und hüt is nu de Fiederei angesecht
denn um uns rüm is alles trech.
Dat Gebäude, de Platz vö de Dör, dat satte grön
wo kann man mitten in Dörp sowat schönes sehn.
Dit alles und Minschen dorto müch dat veele Johre geben.
Und alles schall hier veel Glück und Segen erleben!!!
(Hilde Dannenbrink)